ရှမ်းပြည်နယ်မှာ တညင်းကုန်းလက်ကားဈေးကြီးနဲ့ချိတ်ဆက်ဆောင်ရွက်နိုင်မယ့် Whole Sale Market တစ်ခုတည်ဆောက်မည်

ဇူလိုင် (၁၄) ရက်။

Myanmar Property Dealer

ရှမ်းပြည်နယ်တောင်ပိုင်း မှာ တညင်းကုန်းလက်ကားဈေးကြီးနဲ့ချိတ်ဆက်ဆောင်ရွက်နိုင်မယ့် Whole Sale Market တစ်ခုတည်ဆောက်နိုင်ဖို့လုပ်ဆောင်နေတယ်လို့ အများနှင့်သက်ဆိုင်သော ကုမ္ပဏီ MAEX ထံက သိရပါတယ်။

 တညင်းကုန်းလက်ကားဈေးကြီးအား စီမံခန့်ခွဲလည်ပတ်နေတဲ့ မြန်မာအက်ဂရိုအိတ်(စ)ချိန်း အများနှင့် သက်ဆိုင်သောကုမ္ပဏီလီမိတက် (MAEX) ကနေ ရှမ်းပြည်နယ်တောင်ပိုင်း ၊ ကလောမှာ Whole Sale Market ကိုအခုနှစ်ကုန်ပိုင်းအတွင်းဖွင့်လှစ်သွားဖို့ရှိတယ်လို့ဆိုပါတယ်။

 " ရှမ်းပြည်နယ်တောင်ပိုင်း မှာ Whole Sale Market ကို တည်ဆောက်သွားဖို့ရှိပါတယ်။ဒါလေးကို ရှမ်းပြည်နယ်တောင်ပိုင်းမှာ ရင်းနှီးမြုပ်နှံလိုတဲ့ ကုန်သည် လက်လီ လက်ကားသမားကြီးတွေရော ၊ တစ်ဆင့်ပြန်ရောင်းချလိုသူတွေကိုသတင်းစကားပါးလိုပါတယ်လို့ " MAEX ရဲ့ အတွင်းရေးမှူး ဦးရဲထွန်းကပြောပါတယ်။

တညင်းကုန်လက်ကားဈေးကို လာရောက် ရောင်းချတဲ့ အဓိက ထွက်ကုန်အနေနဲ့ ရှမ်းပြည်နယ်တောင်ပိုင်း ၊ ကလော ခရိုင် ၊ ပင်တယ ခရိုင်အတွင်းက စိုက်ပျိုးထုတ်လုပ်သူ တောင်သူတွေဆီက နေ၊ စိုက်ပျိုးထွက်ရှိလာမယ့် စိုက်ပျိုးထုတ်ကုန်တွေ ကို တညင်းကုန်လက်ကားဈေးကြီး ကို ချိတ်ဆက် ဖြန့်ချီနိုင်မယ့် စိုက်ပျိုးထုတ်ကုန်များ စုဆောင်းသိုလှောင်ရောင်းချတဲ့ဈေးရုံ တည်ဆောက်နိုင်ဖို့ လက်ရှိမှာ ကြိုးပမ်းနေတာလည်းဖြစ်ပါတယ်။

 " တညင်းကုန်းလက်ကားဈေးကြီးလိုပဲ မြန်မာနိုင်ငံမှာထပ်ပြီး၊တခြားမြို့နယ် ရှမ်းပြည်နယ်တောင်ပိုင်း ကလောမှာ ဒီနှစ်ကုန်လောက်ဖွင့်ဖို့ရည်ရွယ်ထားပါတယ်။ ဒါကြောင့်မို့ MAEX မှာ လာရောက်ဆွေးနွေးလို့လည်းရ ၊ ကမ်းလှမ်းလို့လည်းရပါတယ်လို့ " MAEX က ဆက်လက်အသိပေးပြောထားပါတယ်။

 ရှမ်းပြည်နယ်မှာ တကယ့်စိုက်ပျိုးထုတ်လုပ်သူတွေက စိုက်ပျိုးထုတ်လုပ်လို့ ထွက်ရှိလာမယ့် ထုတ်ကုန်တွေ ကို Whole Sale Market ကတစ်ဆင့်ရန်ကုန်မြို့မှာရှိတဲ့ တညင်းကုန်းလက်ကားဈေးနဲ့ချိတ်ဆက်ပြီးထုတ်လုပ်သူနဲ့ရောင်းဝယ်သူ တိုက်ရိုက်ချိတ်ပေး တဲ့ ဝန်ဆောင်မှု ကိုဝန်ဆောင် ပေးသွားမှာဖြစ်တယ်လို့သိရပါတယ်။