အမျိုးသမီးများအတွက်ဆောက်လုပ်ရေးကျွမ်းကျင်လုပ်သားပရိုဂရမ်လျောက်ထားနိုင်

ဩဂုတ် (၇)ရက်။

Myanmar Property Dealer

ဆောက်လုပ်ရေးလုပ်ငန်းခွင်များမှာ အမျိုးသမီးများ ကျွမ်းကျင်လုပ်သားအဖြစ် လုပ်ကိုင်နိုင်စေဖို့ အမျိုးသမီးများနဲ့ ဆောက်လုပ်ရေး ပရိုဂရမ်ကိုဆောင်ရွက်လျက်ရှိတဲ့ ဒို့အိမ် Community Organization က  အပတ်စဉ် (၅) ကို စတင်တော့မှာဖြစ်တယ်လို့သိရပါတယ်။

အဆိုပါ ‘’ပရိုဂရမ်ကာလတလျှောက်မှာ ကျန်းမာရေးအာမခံနဲ့ ထောက်ပံ့ကြေးများ ပေးအပ်သွားမှာဖြစ်လို့ အသက် ၁၈ မှ ၄၀ အတွင်းရှိ ဆောက်လုပ်ရေးလုပ်ငန်းကိုစိတ်ဝင်စားတဲ့ ဘွဲ့ကြို၊ ဘွဲ့ရကျောင်းသူများအပါအဝင် အလုပ်အကိုင် အခွင့်အလမ်း ရှာဖွေနေသူ အမျိုးသမီးများလျှောက်ထားဖို့ရာ တိုက်တွန်းလိုက်ပါတယ်လို့လည်း ‘’ ဒို့အိမ် Community Organization က  ဖော်ပြထားပါတယ်။

ပရိုဂရမ်ကာလ ၃ လနှင့် ဆောက်လုပ်ရေးလုပ်ငန်းခွင်တွင် အလုပ်သင်ဆင်းရမယ့်ကာလ (၁) လ၊ စုစုပေါင်း (၄) လကြာ ပါဝင်လေ့လာရမှာဖြစ်ပြီး ပရိုဂရမ်ပြီးမြောက်ကြောင်း အသိအမှတ်ပြု လက်မှတ်နှင့် ဆောက်လုပ်ရေးနယ်ပယ်အတွင်း ကျွမ်းကျင်သူတွေဆီက အနာဂတ်အတွက် အလုပ်အကိုင်အခွင့်အလမ်းဆိုင်ရာ ဆွေးနွေးမှုများကိုလည်း ရယူနိုင်မှာဖြစ်ပြီး၊စိတ်ဝင်စားသူများအနေဖြင့် ဒို့အိမ် ရဲ့ Facebook messenger မှတစ်ဆင့်ပါဝင်လျှောက်ထားသွားနိုင် မှာဖြစ်တယ်လို့လည်းသိရပါတယ်။